/78/ impetravi. Sed adversus veteres
Philosophos exercere nos incipiamus.
EXERCITATIO IX
Diagorae athei sententiam explicat.
Diagoras Melius inter veteres Philosophos
vel unus nominatim Atheus
omnium ore et unanimi consensu proclamatus
est, nec iniuria quidem, quando, nescio
qua stulta et anili prorsus persuasione infectus,
perfricta fronte divinam providentiam
inficiari atque ita, teste Cicerone in libro De
natura Deorum, ratiocinari ausus est: «Si divina
providentia orbis regeretur, cuncta pro meritis
unicuique hominum, bonis scilicet bona, malis
mala, aequa quasi quadam bilance trutinata
distribuerentur. Sed cum longe secus
omnia gerantur, Dei providentia circa haec
inferiora, cur, aut quaenam sit videre nullo
modo possum». Maior satis liquet. Nam ad Principis
providentiam vel hoc in primis spectat
improborum petulantiam nefariosque conatus
suppliciis coërcere, proborum autem
virtutem et merita pro benefactis compensare.
Minorem veram esse usus quotidianus,
testis certissimus, perhibet, quippe eos, qui
iuxta divinae Legis normam et perpendiculum
omnes vitae suae conformant rationes nec
Indice
|
Pagine introduttive |
|
EXERCITATIONES |